Frohe Weihnachten


 

Wenn is kannt, dad is macha,

grod jetz um de Zeit,

dass extrig füa di

an Meta hoch schneit.

 

 

Das ma weit geh kanntn

im glitzrigen Woid

und unsre Nosn gfroan warn

weis war gar so koit

 

Wenn is kannt, dad is macha,

des war jetz grod schee,

dass extrig füa di

zuagfroan war da See

 

Das ma an Stoa ditschern kannt,

der rutschat ganz weit

und füa an Glühwein und Platzerl

hätt ma a no de Zeit

 

Wenn is kannt, dad is macha,

grod jetz dad is woin,

dad extrig füa di

an Stern obahoin

 

Der uns leuchtn doa dad,

schee stad und warm

und uns owei dran denka lasst,

dass ma uns hom

 

Wenn is kannt, dad is macha,

dad de Welt ohoitn füa di

aba i glab, bei oller Liab,

des bring i net hi

 

 

©Michaela Seliga, 06.12.2003

Kommentar schreiben

Kommentare: 0